kîkwây ôma   ayamihowin  kotakwak   sakâwê   ê-kistêyimit   êkosi    

ê-kistêyimit: Andrew Naytowhow (1933 - 2005)

"êkâ wîhkâc asênik ayisiyiniwak kîspin kiwîcimikowak kita-wîcihacik" e-kî isi kiskiyimak nohtâwiy, Andrew A. Naytowhow; êkosi ê-kî isi wapatak ôma opimâtisiwin.
kaki mêtawit, ka-atoskit êkwa ka-isi-waskawayitotak ôma pimâtisiwin kahkiyaw ohci owâhkômakana mîna otôtêma êkwa mîna tahto ka-tapahkômat kisêwâtisowin kî-pimitisaham. êkosi mîna isi-manâcihât âtayôhkana.
Andy kî-atoskâwew micit ayisiyiniwak nanâtohk isi pimâcihocik êkwa isi nîkânastâkik. pêyakwan kî-isi miyo wîciwêw êkwa isi wêhtatokimat. kî sâkihew awâsisa êkwa ka-misicihêw osima êkwa mîna kî-sâkihaw misiwê itê ôta ôma kikawino askiy.

nika- kâkîsimot-totin ôma awa iskwêw Cheryl kî isiyihkâsot ka-wêpinâstak ôta ôma mamâhtâw âpacihcikan.

nistam ka-wîhtamôwit Cheryl L'Hirondelle ka-witatoskêmak "w' êkwa nohtâwiy owîhowinihk kita âpacitak tihkisi namôya nikihcinahon kîspin ka-atoskâtamân. Kî- isi kiskanahamâkowiyân ôma ka-nêhiyawak asko manâ mêtoni kwayask ka-pimitisayikatik tânisi isi kî-itotamân kîkwây êkwa asko ê-kocikosin mahti êsa tânisis kiya kî- itotamân.

pêyisk nimiywêtin kî nêhiyâwinaw kî itohtêmakak misiwêti ôta kikawino askiy. êkosi isi kita-wîcihikot wîsta ayisiyiniw.

kîkwây ohci ka-wîcihak êkwa ka-witatoskêmak Cheryl ôma ôta ka-osîtat 'wêpinâsowina ayamihtâwin', ka-tapascikatik ôta mamâhtâw âpacihcikanik ê-kî pêhtamân oti nîkân kêhtê-yak itwêcik kita wîhtamacik asiyiniwak anohc kîkwây ka-ohci pimitisiskakocik, ka- sôhkiyowêw iskahkocik êkwa ka sôhkanik omamitonicikwaniwaw.

kihci kîkwây ôma kî- isi nisitotamân ôma kîkwây ka wêpinâstahk. tâpiskôc nohtâwiy opimâtisiwin, okiskinwahamâkêwin, okâkîsimowin êkwa opîkiskwêwin kî- isi mikit kahkiyaw awiyak ôta askiy kikawino kita-wîchikot kaki-pimâcihot misiwêti ôta kikawino askiy. nîsta êkwa pêyakwan êyako opîkiskwêwin nipimitisahin.

nimiywêyihtin namôya mêtoni kahkyaw kîkwây itihtak awa iskwêw Cheryl tânisi kêhcinâc isi-atoskêmakak ôma nêhiyâw kâkîsimowin. kîspin kahkiyaw kîkway kî- wîhtamat asiyiniw tânisi kî isi wâskâwayitotak pimâtisiwin mâskôc ka-maskamêw tânisi kî itô tamasot kîkwây; tâpiskôc ôma kâkîsimowin kî itwêyân. nawac miywasin apisîs kawitamowit tâpiskôc ôma manâ kîkwây ka wêpinâscikatik, kiwêpinâstan êkwa kîspin kiwîcihikosin miywasin. êkota ohci kiya âhkamêyimon.

nipê-wâpahtin isi wêpahk nantaw nistano-askiy ê-kî- âcimostowit pêyak kêhtê-aya ê-kî- itwêt êkosi ê-wi ispayik. kî- itwêw kanawâpahta askiy, yôtin, iskotêw êkwa nipiy; ê-yakoni ka tastapimikani.

êkosi ôma ê-pê isi kiskimêkowiyân oti nîkân kêhtê-ayak ê-âcimocik nithitin. êkota ka nâhitak isiyiniw ka-âcimostawêt yakoni ôhi sôhki âcimowina. ôma mîna ohci mamâhtâw âpacihcikan ka isi katik micit isiyiniwâk ka-kaskitanawik ka pîkiskâwatit ka-âcimostacik ôhi sâkihitowin êkwa manâcihtowin âcimowina. Nikî- miyo payikon niya kêhtê-yak êkî pê pîkiskiwaticik oti nîkân.

ninanâskomon ôma ka-masinayikatik nohtâwiy owîhowin ôta mamâthâwi âpacihcikanik. kîspin atiht isiyiniwak wîcihikoso ôta ka- wîcayamayak ôta kikawino askiy ka wâpahtahk ôma wêpinâsowina' ka-masinahikatik ôta mamâhtâwi âpacihcikan êkosi êsa anima tapwê ê-pimitisahamak kî pimâtisiwino kî-isi nitawayitak kohtawino êkwa kikawino kî isi nisitotawak isi kisêwâtisit kisê manitow.

Joseph Naytowhow, 2006

Joseph Naytowhow awa ochi pakitahwâkan sâkahikan, anohc kî isikatik Sturgeon Lake First Nation ôta kisiskâciwan. kîkaskitâmaso masinahikan ochi kiskinahamâtowikamik isikatik University of Saskatchewan nêtê ôtênâhk Saskatoon - misâskwatôminiskâhk askiy. nîsitanaw-askiya ê-papimâcihot misiwê itê e-nanakamot, ê-âcimot, êkwa ê-pîkiskwêt. asko manâ ka-wâpamaw cikâstêpayihcikanik ahpô kapitawawâw kitôcikêwikamikocik.

www.myspace.com/josephnaytowhow